- 756 -

1451. Jan. 15. o. O.

Den hochgeporn fursten vnd haren herczog Hannsen vnd herczog Heinrichen herczog in Slessgen vnd czum Bryg meynn genodigen herren.

Hochgeporn fursten vnd genadigen herren, mein dijenst ewern genadin in guettem willen zeuor; ich schygch ewr payder genod eyn pryeff myt dyssem gegenvorttigen pryeff von vnssern aller genodigisten herren dem Remischen & konyg ausgegangen dye erfordrung auff ewr payder genaden potschaft abschayd dye dy ewern von ewern wegen myt ewrer macht pey vnsserm herren dem remyschen & konyg getan haben solleich pryeff mir seyn kvnygleich genod empholhen hatt ew czu schickhen darnach ways sych ewr payder genad woll verer darin czu halten, geben am freyttag vor sand Anthony tag. Im LI jar.
Reynprecht von Eberstorff vnnsers aller genadigsten herren des Remischen & konyg von konyg Lassla wegen ambassyatt vnd sendpott.

Prov. Arch. E. Lgn. I. 1. Joh. Heinr. Schreiben an sie.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866